“Парис-2024” зуны олимпын наадмын чөлөөт бөхийн эмэгтэйчүүдийн 50 кг-ын жинд “Осло-2021” ДАШТ-ий хүрэл, “Белград-2022” ДАШТ-ий мөнгө, “Белград-2023” ДАШТ-ий мөнгөн медальт Монгол Улсын гавьяат тамирчин Долгоржавын Отгонжаргал өрсөлдөнө. Манай тамирчин эхлээд Италийн Эмануэла Лиуззитэй нэгдүгээр тойрогт учраа таарлаа. Түүнийг ялбал олимпын хоёр мөнгө, хоёр хүрэл медальт, дэлхийн иж бүрэн медальт Азербайжаны Мария Стадник, Германы Анастасия Блайвас нарын хэн ялсантай барилдана.