“Парис-2024” зуны олимпын наадам тав дахь өдрөө болж байна. Өнөөдөр тус наадмын жүдо бөхийн эмэгтэйчүүдийн -78 кг-ын жинд Үндэсний шигшээ баг, “Монголын жүдо академи”-ийн тамирчин, ОУХМ О.Хүслэн, Эквадорын тамирчин Ванесса Чалаг вазари үнэлгээгээр яллаа. Анхны олимпдоо оролцож буй О.Хүслэн эхний ялалтаа авсанаар шөвгийн 16-д шалгарлаа. О.Хүслэн энэ оны Ази тивийн хүрэл медальтай бөгөөд дэлхийн чансааны 28 дугаар байрт эрэмбэлэгдсэн амжилтаар олимпын наадмыг зорьсон юм. Түүний дараагийн учраа нь 2023 оны дэлхийн аварга, 2023, 2024 оны Европын аварга шалгаруулах тэмцээний хүрэл медальт Израилийн бөх Инбар Ланир байна.