Хүрээ цам даншиг наадмын үндэсний бөхийн барилдаанд 256 бөх барилдах юм байна. Тус наадмын барилдааны бүртгэл өчигдрөөс эхэлсэн байгаа. Даншиг наадмын үндэсний бөхийн түрүү бөх 15 сая төгрийн шагнал хүртэнэ. Харин  буриад бөхийн барилдаанд 64 бөх барилдана. Түрүү бөх 10 сая төгрөгийн шагналыг авах юм. Мөн Өвөр монголын үзэмчин бөхийн барилдаанд 64 бөх барилдана. Түрүү бөх  мөн 10 сая төгрөгийн бай шагналыг тус тус гардан авна. Барилдах бөхчүүдийг долоодугаар сарын 30-31-ний өдрүүдэд цахимаар бүртгэнэ. Сугалаа наймдугаар сарын 1-2-ны өдрийн 12:00-17:00 цагийн хооронд “Монгол бөхийн өргөө”-нд болно. Даншиг наадмын бөхийн барилдаан наймдугаар сарын 3-ны өдрийн 14:00 цагаас Хүй долоон худагт эхэлнэ.