Хүн төрөлхтний эв найрамдлын бэлгэ тэмдэг болсон зуны спортын XXXIII наадам “Парис-2024” олимп өнөөдөр албан ёсоор эхэлж байна. Олимпын нээлт Улаанбаатарын цагаар долдугаар сарын 26-аас, долдугаар сарын 27-ны шилжих шөнийн 01.30 цагт эхлэх бөгөөд гурван цаг орчим үргэлжлэх юм. Францчууд цэнгэлдэх хүрээлэнд болдог олимпын нээлтийн уламжлалыг эвдэж анх удаа Сена мөрний эрэг дагуу нээлтийн ёслолыг зохион байгуулахаар болсон. Тамирчид энэ удаа цэнгэлдэх тойрон алхах бус завь хөлөглөн парад үүсгэх аж.