Тайланд Улсын Срирача хотод зохион байгуулагдаж буй бөхийн төрлүүдийн “U20” насны Ази тивийн аварга шалгаруулах тэмцээн үргэлжилж байна. Тус Азийн аваргын  эрэгтэйчүүдийн 92, 125 кг-ын жинд манай хоёр тамирчин хүрэл медаль хүртжээ.

             Азийн аваргын 92 кг-ын жинд Д.Дэлгэрдалай эхний тойрогт Тайванийн тамирчин Мин Жүй Лиг 12:0-ээр, Шиври Ланка Улсын бөхийг 2:0-ээр, хагас шигшээд Казахстаны тамирчин Камил Куруглиевт 10:0 ялагдаж, хүрэл медалийн төлөө Энэтхэгийн Нихил Дахияг 13:2-оор хожсон байна.

           Харин 125кг-ын жинд Б.Намбардагва Узбекистаны тамирчин Аяназар Базарбаевыг 11:0-ээр, хагас шигшээд Ираны бөхөд 11:0-ийн харьцаатай ялагдаж, хүрэл медалийн төлөө Казахстаны Алихан Хуссейновыг 6:5-ын харьцаатай ялжээ.