Монголын триатлоны холбооны 20 жилийн ойн нэрэмжит УАШТ-ий эрэгтэй элит ангилалд нийт арван тамирчин бүртгүүлж өрсөлдөхөд "Виста" клуб, залуучуудын шигшээ багийн 17 настай тамирчин, спортын мастер Төгсмандахын Мөнх-Ундарга 2024 оны Монгол Улсын аваргаар тодорлоо. Тэрбээр 500 м-ийн сэлэлт, 15 км-ийн дугуй, 5 км-ийн гүйлтийн замыг нэг цаг, гурван  минут 21 секундэд туулж, мөнгөн медаль хүртсэн Чингэлтэй дүүргийн БТСХ-ны тамирчин Сэнтэгийн Бат-Отгоноос 83 секундын өмнө барианд орлоо. Гуравдугаар байрт "Далайн хаад"-ын залуу тамирчин Дуулалын Хас-Эрдэнэ 1 цаг 7 минут 32 секундээр хурдалжээ.