Тулгар төр байгуулагдсаны 2233 жил, Их Монгол Улс байгуулагдсаны 818 жил, үндэсний эрх чөлөө, тусгаар тогтнолоо сэргээн мандуулсны 113 жил, Ардын хувьсгалын 103 жилийн ойн үндэсний их баяр наадмын хурдан шүдлэн морьд бариандаа орж ирлээ. Тодруулбал, баяр наадмын хурдан шүдлэнгийн уралдаанд Өвөрхангай аймгийн Хархорин сумын харьяат уяач Ц.Дагвасүрэнгийн хул үрээ түрүүлсэн байна.

Мөн аман хүзүүд Архангай аймгийн Эрдэнэбулган сумын харьяат, манлай уяач Г.Мөнхсайханы хар үрээ, айргийн тавд Сүхбаатар аймгийн Онгон сумын уяач Т.Баярхүүгийн хээр үрээ, Өмнөговь аймгийн Цогтцэцээ сумын харьяат уяач Ч.Батжаргалын халзан үрээ, Өвөрхангай аймгийн Хархорин сумын харьяат уяач Х.Гарьдмагнайгийн хул үрээ хурдалжээ.