“Токио-2020” олимпын наадмын алт, “Будапешт-2018” ДАШТ-ий алтан медальт, Ази тивийн хошой аварга Япон Улсын бөх Такүто Отогүро, “Афин-2004” зуны олимпын наадмын хүрэл медальт дасгалжуулагч Иноүэ Кэнжи, Кэйсүкэ Отогүро нарын хамтаар өчигдөр манай улсад иржээ.

            Тэрбээр Монголын олимпын багийн бэлтгэлд оролцож байгаа бөгөөд ДАШТ-ий хүрэл медальт, Азийн наадмын аварга, Монгол Улсын гавьяат тамирчин Т.Тулгын гол өрсөлдөгчдийн нэг билээ. Мөн энэхүү бэлтгэлд Энэтхэг, Япон, ОХУ-ын тамирчид оролцож байна. Энэтхэгийн бөх олимпын мөнгө, ДАШТ-ий хүрэл медальт Рави Кумар, ДАШТ-ий мөнгөн медальт Дээпак Пуниа, Энэтхэгийн чөлөөт бөхийн шинэ од Сүжит Сүжит зэрэг шилдэг бөхчүүд ирсэн байна.