Оросын Холбооны Улсын Бүгд Найрамдах Саха Улсын Якутск хотод зохион байгуулагдаж буй “Азийн Хүүхдүүд 2024” олон улсын VIII наадам 2024 оны зургадугаар сарын 25-ны өдрөөс долдугаар сарын 7-ны өдрийн хооронд зохион байгуулагдаж байна. Монгол Улсаас спортын есөн төрөлд тамирчин, дасгалжуулагч, эмч, шүүгч, албаны хүн зэрэг 63 хүний бүрэлдэхүүнтэй оролцож байгаа. Үүнд

Самбо бөх-15

Модон барилдаан-6

Уран сайхны гимнастик-4

Хапсагай-6

Шатар-5

Бүжгийн спорт-3

Кураш бөх-10

Бүстэй бөхийн барилдаан-8

Диф Чөлөөт бөх-2

Албаны хүн-4

        Тус наадам нь спортын 24 төрөлд 239 багц медалийн төлөө өрсөлдөнө. Тэмцээнийг зохион байгуулах, шүүн явуулахаар 700 шүүгч, 1900 сайн дурын ажилтан ажиллаж байгаа юм. Тэмцээний гурав дахь өдрийн байдлаар Монгол Улс алтан медаль хоёр, мөнгөн медаль нэг, хүрэл медаль дөрвийг хүртсэн амжилт үзүүлээд байна.

      Самбо бөхийн төрөлд хөвгүүдийн 79 кг-ын жинд Э.Энхцогт алтан медаль, охидын 57 кг-ын жинд Г.Энхжин алтан медаль, охидын 65 кг-ын жинд Э.Анударь мөнгөн медаль, хөвгүүдийн 49 кг-ын жинд О.Тэнүүн хүрэл медаль, охидын 54 кг-д Б.Саруул хүрэл медаль хүртжээ.

        Модон барилдааны төрлийн 50 кг-ын жинд Н.Дагвадорж хүрэл медаль, 80 кг-д Ё.Өсөх-Ирээдүй хүрэл медаль тус тус хүртсэн амжилтаар самбо бөх, модон барилдаан, уран сайхны гимнастик тэмцээнээ өндөрлөж, бусад төрлүүд хуваарийн дагуу тэмцээн үргэлжилж байна.