Йордан Улсын нийслэл Амман хотод үргэлжилж буй бөхийн төрлүүдийн “U23” насны Ази тивийн аварга шалгаруулах тэмцээний эмэгтэйчүүдийн 53 кг-ын жинд манай улс дахин нэг аваргатай боллоо. Дорноговь аймаг Сайхан-Дулаан сумын харъяат “Аваргууд акедами”-ийн тамирчин Чинболдын Отгонтуяа эхний тойрогт Энэтхэгийн бөхийг 10:0-ээр, дараа нь Йордан Улсын тамирчныг мөн 10:0-ээр, хагас шигшээд Казахстаны тамирчин Зейнеп Баяановаг 10:8-аар хожиж аваргын алтан медалийн төлөө Энэтхэгийн тамирчин Таманна Таманнаг 10:5-аар ялжээ.

     Ч.Отгонтуяа нь өнгөрсөн дөрөвдүгээр сард Киргизстан Улсын нийслэл Бишкек хотноо зохион байгуулагдсан насанд хүрэгчдийн ААШТ-ээс хүрэл медаль хүртэж байсан юм. Ийнхүү манай “Алдар” спорт хорооны тамирчин Баянмөнхийн Отгонтуяа, “Аваргууд академи”-ийн тамирчин Чинболдын Отгонтуяа нар чөлөөт бөхийн “U23” насны Ази тивийн аваргууд боллоо.