Монгол Улсын хувийн хэвшлийн ууган компаниудын нэг “Бридж корпораци” нь шинээр улсын заан цолны болзол хангасан бөхийг “ЗААН ЖИМНИ” буюу гурван хаалгат жимни авто машинаар байлж урамшуулдаг. “Бридж корпораци” нь Монголын үндэсний бөхийн холбоотой хамтран дөрөв дэх жилдээ энэхүү үйл ажиллагаагаа хэрэгжүүлэхээр 2024 оны зургаадугаар сарын 21-ний өдөр “Сүзүки” автомашины үзэсгэлэнгийн танхимд, “Бридж корпораци”-ийн гүйцэтгэх захирал Ө.Батзориг болон МҮБХ-ны тэргүүн, улсын заан Ц.Магалжав нар хамтын ажиллагааны санамж бичигт гарын үсэг зуран баталгаажуулжээ.

     Мөн “Бридж корпораци”-аас бөх сонирхогчдынхоо дунд Ардын хувьсгалын 103 жилийн ойн их баяр наадмын “Заам жимни”-ийн эзэн, шинэхэн заан цолтны тусгай шагналтай тааврын уралдаан зохион байгуулахаар бэлдэж байгаа бөгөөд тун удахгүй шагналын болзлыг нийтэд зарлах юм. Өмнөх жилүүдэд буюу

2020 онд-Улсын гарьд М.Бадарч

2022 онд-Улсын заан М.Лхагвагэрэл

2023 онд-Улсын арслан Ц.Бямба-Отгон нар уг машины эзэн болж байсан юм.