“Парис 2024” зуны олимпын наадам эхлэхэд 30 хоногийн хугацаа үлдлээ. Олон улсын жүдо бөхийн холбооноос жин тус бүрийн квотыг албан ёсоор баталгаажуулж зарлав. Хамгийн олон тамирчин өрсөлдөх нь эмэгтэйчүүдийн 48 кг-ын жин байна. Энэ жинд 30 тамирчин өрсөлдөх юм. Үлдсэн жингүүдийн тухайд Эмэгтэйчүүдийн 52 кг-д 26 тамирчин, 57 кг-д 26 тамирчин, 63 кг-д 29 тамирчин , 70 кг-д 23 тамирчин, -78 кг-д 22 тамирчин, +78 кг-д 23 тамирчин өрсөлдөх аж. Харин Эрэгтэйчүүдийн 60 кг-ын жинд 25 тамирчин, 66 кг-д 25 тамирчин, 73 кг-д 27 тамирчин, 81 кг-д 28 тамирчин , 90 кг-д 28 тамирчин, -100 кг-д 23 тамирчин, +100 кг-д 22 тамирчин өрсөлдөхөөр болжээ. Харин Монголын баг тамирчдын тухайд

Эмэгтэй жүдочид:

48 кг-д Б.Баасанхүү

52 кг-д Л.Сосорбарам

57 кг-д Л.Энхрийлэн

-78 кг-д О.Хүслэн

+78 кг-д А.Адьяасүрэн

Эрэгтэй жүдочид:

60 кг-д Э.Ариунболд

66 кг-д Ё. Басхүү

73 кг-д Б.Эрдэнэбаяр

-100 кг-д Б.Гончигсүрэн

+100 кг-д О.Цэцэнцэнгэл нарын тамирчид “Парис-2024” олимпын наадамд хүч үзэх нь албан ёсоор баталгаажлаа. Олимпын наадмын холимог багийн аварга шалгаруулах тэмцээнд мөн манай баг өрсөлдөнө. Багуудын тухайд Ази тивийн таван баг , Европ тивийн 11 баг,Пан Америкийн хоёр баг, дүрвэгсдийн нэг баг, нийт 19 баг хүч сорих юм байна.