Чөлөөт бөхийн “U17”, “U23” насны Ази тивийн аварга шалгаруулах тэмцээн энэ сарын 22-30-ны өдрүүдэд Йордан Улсын нийслэл Амман хотод зохион байгуулагдаж байна. Өчигдөр чөлөөт бөхийн “U17” насны эмэгтэйчүүдийн 43, 49, 57, 65, 73 кг-ын жингийн барилдаанууд явагдаж шилдгүүд тодорлоо. Манай тамирчдаас 73 кг-д оролцсон Ц.Уранзаяа мөнгөн медаль хүртжээ. Түүний жинд есөн тамирчин өрсөлдсөн бөгөөд манай тамирчин дөрөвний нэг шигшээ барилдаанд Тайваний тамирчныг 10:0-ээр, хагас шигшээд Казахстаны бөхийг 4:1-ийн харьцаатай ялж финалд Энэтхэгийн Кажал Кажалд 10:0-ийн харьцаатайгаар ялагдсан байна.