Дархан хотын хүүхэд залуучуудын хүсэн хүлээсэн спортын ордон нээгдэхэд бэлэн болжээ. Тус “Дархан спорт цогцолбор”-ын нээлт энэ сарын 21-ний өдрийн 10.00 цагт болно. 2012 онд ашиглалтад орох байсан 2200 хүний суудал бүхий хоёр спорт заал, усан бассейн бүхий тус цогцолборыг "Darkhan-United arena" хэмээн нэрлэхээр тогтсон байна. Ийнхүү бүтэн 12 жил дуншиж байж ашиглалтад орж байгаа юм. Гэхдээ анхны гүйцэтгэгч “Нэмбар” компани биш, харин Дорждэрэм захирагчтай барилгын цэргийн 017-р ангийнхан тус спорт цогцолборыг богино хугацаанд гүйцээж дуусган, шуурхай ажиллаж хугацаанаасаа өмнө хүлээлгэн өгөхөөр болжээ.