Бүжгийн спортын латин болон стандарт хамтлаг бүжгийн дэлхийн аварга шалгаруулах тэмцээн  Герман Улсын Брауншвейг хотод болж байна. Латин төрөлд өрсөлдөж байгаа Монгол улсын “Moon Dance” болон “Стар” хамтлагууд финалын шатанд шалгарлаа. Финалын шатанд Монгол Улсын хоёр баг, Германын хоёр баг, Австрийн нэг баг, Украины нэг баг тус тус шалгарчээ. Тэмцээний шилдэг зургаан багийн өрсөлдөөнд манай баг тавдугаарт гарах дарааллын сугалаа сугалсан байна.