Жүдо бөхийн энэ оны насанд хүрэгчдийн дэлхийн аварга шалгаруулах тэмцээн Узбекистаны нийслэл Ташкент хотноо болж байна. Өнөөдө эрэгтэйчүүдийн 66 кг-ын жинд ОУХМ Ё.Басрүү, ОУХМ Г.Хэрлэн, эмэгтэйчүүдийн 48 кг-ын жинд ОУХМ Б.Хорлоодой барилдана.

   Эрэгтэйчүүдийн 66 кг-ын “D” хэсэгт ОУХМ Г.Хэрлэн эхний тойрогтоо, 60 кг-аас жин өгссөн Францын KHYAR Walid-тай барилдах юм. Бидний хэзээний танил Францын бөх Khyar бол эвгүй , осолтой жүдочин билээ.  Хэрэв түүнийг ялбал хоёрдугаар тойрогт Алжирын бөхтэй таарна. Түүний дараа гуравдугаар тойрогт шөвгийн 16-д Израйлын Shmailov Baruch хүлээж байна.

   Харин энэ жингийн “С” хэсэгт Ё.Басхүү мастер, олимп, дэлхийн аварга Японы  алдарт бөх Абе Хифүмитэй хэсгийн аваргын төлөө таарах магадлал өндөртэй. Гэхдээ үүнээс өмнөх учраануудаа хянуур, хийгүй үзэж алдаа гаргаж болохгүй.

   Эмэгтэйчүүдийн 52 кг-ын жинд Б.Хорлоодой мастерын эхний учраа нь энэ онд болсон Унгар, Туркийн их дуулгуудад түрүүлээд ирж байгаа амаргүй өрсөлдөгч Унгарын PUPP Reka байна.