Монголын бүжгийн спортын холбооны гишүүн “Хатантуул”, “Moon dance”, “Star” хамтлагууд энэ сарын 15-ны өдөр ХБНГУ-ын Брауйншвейг хотод зохион байгуулагдах дэлхийн аварга шалгаруулах тэмцээнд орно.  Манай баг, тамирчид Дэлхийн бүжгийн спортын холбооны формейшн, стандарт, латин бүжгийн дэлхийн аварга шалгаруулах тэмцээнд оролцохор бэлтгэл сургуулилалтаа базаан, эхний хамтлаг маргааш ХБНГУ-ыг зорих гэж байна.

   Формейшн, стандарт болон латин бүжгийн дэлхийн аварга шалгаруулах тэмцээн нь анх удаа нэг өдөр, нэг талбайд зохион байгуулагдах гэж байгаатай холбогдуулан Монголын бүжгийн спортын багийн ахлагчийг томилон, Монгол Улсын төрийн далбаа, МБСХ-ны тугийг гардуулан өгөв.

  Баг тамирчдын эв нэгдлийг хангах зорилгоор багийн ахлагчаар “Хатантуул” хамтлагийн удирдсан багш Л.Цолмонг томилж, “Хатантуул” хамтлагийн дасгалжуулагч Т.Лхагвасүрэнд хүлээлгэн өглөө. Энэ удаагийн тэмцээнд монголын гурван хамтлаг нийт 107 хүний бүрэлдэхүүнтэй оролцох юм.