Жүдо бөхийн дэлхийн аварга шалгаруулах тэмцээн аравдугаар сарын 6-12-ны хооронд Узбекистаны нийслэл Ташкент хотод болно. Жүдо бөхийн дэлхийн аварга шалгаруулах тэмцээн аравдугаар сарын 6-12-ны хооронд Узбекистаны нийслэл Ташкент хотод болно. 80 гаруй орны 550 орчим тамирчин оролцох мэдүүлэг өгсөн байна. Харин жүдо бөхийн хүчирхэг бүрэлдэхүүнтэй ОХУ-ын Жүдо бөхийн холбоо энэ удаагийн дэлхийн аварга шалгаруулах тэмцээнд оролцохгүй гэдгээ мэдэгджээ.

   Орос, Украины дайнаас шалтгаалан олон улс, тив, дэлхийн тэмцээн уралдаанд ОХУ-ын тамирчид оролцож чадахгүйд хүрээд байгаа билээ. Серби Улсын нийслэл Белград хотод болж өнгөрсөн чөлөөт бөхийн дэлхийн аварга шалгаруулах тэмцээнд ОХУ, Беларусын баг, тамирчид оролцоогүй өнжсөн юм.

    Харин Узбекистанд болох жүдо бөхийн дэлхийн аварга шалгаруулах тэмцээнд Монгол Улс бүтэн багаар оролцоно. Манай улсаас гадна Бразил, Франц, Итали, Канад, Герман, Израил, Казахстан, Узбекистан, Япон, Нидерланд, Өмнөд Солонгос, Испани, Португаль АНУ, Куба, Польш, Унгар зэрэг орнууд одоогоор бүрэн бүрэлдэхүүнээр оролцоно гэдгээ зарлаад байна.