Монголын бүх ард түмний спортын XV их наадмын шигшээ тэмцээн энэ сарын 9-нөөс 18-ны өдрүүдэд зохион байгууллагдлаа. Дөрвөн жилд нэг удаа зохион байгууллагддаг тус наадамд зуны олимпын 20, паралимпын гурав, дифилимпын хоёр нийт спортын 25 төрлөөр явагдсан. Монгол Улсын 21 аймаг, Улаанбаатар хотын есөн дүүрэг, Зэвсэгт хүчин, Онцгой байдал, хууль сахиулах байгууллагын спорт хороо, спортын клубүүдээс шигшээ тэмцээнд 4570 орчим тамирчид оролцсон байна.

    Батлан хамгаалах яамны харьяа зэвсэгт хүчний “Алдар” спорт хорооны баг тамирчид Батлан хамгаалах сайдын 2022 оны А/268 дугаар тушаалын дагуу спортын 13 төрлөөр амжилттай оролцон 56 алтан медаль, 38 мөнгөн медаль, 29 хүрэл медаль нийт 123 медаль хүртэж тэргүүн байрыг эзэллээ.