Чөлөөт бөхийн дэлхийн аварга шалгаруулах тэмцээний  эмэгтэйчүүдийн 53 кг-ын жинд үндэсний шигшээ баг, “Аврагч” спорт хорооны тамирчин, ОУХМ Батхуягийн Хулан хагас шигшээд урамтай сайхан барилдаж финалд шалгарлаа. Тэрбээр хоёрны нэг шигшээд энэ жилийн Европын аварга, залуучуудын дэлхийн аварга, Шведийн Эмма Малмгренд 6:2-оор хожигдож яваад өрсөлдөгчөө цэвэр дарж ялсан юм.

   Ийнхүү өчигдөр хагас шигшээд барилдсан манай хоёр бүсгүй ялалт байгуулснаар өнөөдөр алтан медалийн төлөө барилдана. Монголын чөлөөт бөхийн тамирчдаас насанд хүрэгчдийн дэлхийн аварга шалгаруулах тэмцээний шигшээд шалгарсан 29, 30 дахь тохиолдол болж байна. Б.Хулан шигшээ барилдаанд АНУ-ын Доминик Парриштай хүч үзэх юм. ОУХМ Б.Хулангийн нэгдүгээр тойрогт Энэтхэгийн Винеш Фогатадтай барилдахдаа хийсэн мэхийг  Дэлхийн бөхийн нэгдсэн холбоо (UWW) онцолсон байлаа.