Тайландын Паттаяа хотод аэробик, гимнастикийн Ази тивийн аварга шалгаруулах тэмцээн энэ сарын 3-5-ны өдрүүдэд зохион байгуулагджээ. Аэробик гимнастикийн долоо дахь удаагийн Ази тивийн аварга шалгаруулах тэмцээний насанд хүрэгчдийн ангиллын бүжгийн багийн төрөлд оролцсон МУИС-ийн багш, Олон улсын шүүгч Д.Түмэнтөгс, МУБИС-ийн БТС-ийн багш, ОУХМ, Олон улсын шүүгч Г.Болортулга дасгалжуулагчтай “МУИС-МУБИС-ийн БТС-ийн хамтарсан” баг тамирчид хүрэл медаль хүртжээ.

  МУБИС-ийн  багш Г.Болортулгын удирдлага дор төгсөгч Б.Золбаяр, А.Гантөгс,дөрөвдүгээр курсын оюутан Э.Ханд, нэгдүгээр курсын оюутан Б.Оргилболд нар нэг баг болон медальт байрт шалгарсан аж. Мөн Аэробик, гимнастикийн долоо дахь удаагийн Азийн аваргын 15-17 насны багийн төрөлд Монголын баг тамирчид хүрэл медаль хүртсэн байна.