Туркийн Станбул хотод пауэрлифтингийн өсвөр үе, залуучуудын дэлхийн аварга шалгаруулах тэмцээн болж байна. Тэмцээнд 44 орны 174 тамирчин өрсөлдөж байгаа бөгөөд манай улсаас дасгалжуулагч Х.Энхболдын удирдлага дор 10 тамирчин хүч үзэж байна.

  Өнөөдөр тэмцээний өсвөр үеийнхний охидын 57 кг-ын жингийн суултын төрөлд Монгол Улсын тамирчин 17 настай Х.Цолмонгоо 127.5 кг-ыг өргөснөөр хүрэл медаль хүртлээ.
 

   Тэрбээр мөн газраас таталтын төрөлд 150 кг-ыг татсанаар мөнгөн медаль хүртэв. Х.Цолмонгоо энэ тэмцээнд нийлбэр дүнгээр 337.5 кг-ыг өргөсөн амжилтаар мөнгөн медалийн тавцанд гарсан байна.