Энэ удаагийн наадмын бүжгийн спортын шигшээ тэмцээн энэ сарын 17-нд “Алдар” спортын хорооны “А “ танхимд стандарт, латин бүжгийн төрлүүдээр зохион байгуулагдах юм. Бүжгийн спортын төрөл хоёр дахь удаагаа  их наадмын төрөлд багтаад байна.

   Монголын бүх ард түмний спортын XV их наадмыг улсын хэмжээнд гурван үе шаттайгаар олимпын 16, олимпын бус хоёр, оюун ухааны хоёр, хөгжлийн бэрхшээлтэй иргэдийн зургаан төрлөөр зохион байгуулах юм.

   Шигшээ тэмцээнийг есдүгээр сарын 8-19-нд Улаанбаатар хотноо 21 аймаг, есөн дүүргийн 4500 гаруй баг тамирчин 561 багц медалийн төлөө өрсөлдөхөөр бэлтгэл сургуулилалтаа хангаж байна. Тус наадам нь иргэдийг биеийн тамир, спортоор хичээллүүлэх, эрүүл чийрэг иргэнийг төлөвшүүлэх, тамирчдын ур чадварыг дээшлүүлэх онцгой ач холбогдолтой.