Эрдмийн баяр, есдүгээр сарын 1-ний  өдөр, ОХУ-ын Буриадын Хүүхдийн спорт сургуулийн төлөөлөгч Буджаев Цогтоевыг нийслэлийн Хүүхдийн спортын төв сургуулийн удирдлагуудтай уулзаж, хамтран ажиллах шууд харилцааг тогтоожээ.

   Цаашид энэхүү хоёр сургууль хүүхдийн спортын чиглэлээр хамтран ажиллахаар  тохиролцлоо. Ийнхүү шууд харилцаа тогтоосоноор 50 жилийн түүхтэй Буриадын хүүхдийн спортын тусгай сургууль болон Монгол Улсын өсвөрийн тамирчдын амжилт дээшлэн, багш дасгалжуулагч нарын солилцоо нэмэгдэн, хамтын ажиллагаа өрнөх болно.

   Буриадын төлөөлөгч Б. Цогтоев мөн өдөр Төрийн ордонд зочлон Засгийн газрын гишүүн, олимп, нийтийн биеийн тамир, спортын эрхэлсэн сайд Б. Бат-Эрдэнэтэй албан ёсны уулзалт хийлээ. Уулзалтад МҮОХ-ны тэргүүн дэд ерөнхийлөгч Ч. Наранбаатар оролцсон байна.