“Улаанбаатар 2023” Зүүн Азийн залуучуудын наадам нь 2023 оны наймдугаар сард Улаанбаатар хотноо болно.  Монголын спортын түүхэнд анх удаа зохиогдож буй томоохон наадам юм. Наадамд Зүүн Азийн бүс нутгийн есөн Үндэсний олимпын хорооны өсвөр залуу тамирчид спортын 12 төрлөөр хурд хүчээ сорин өрсөлдөхөөс чөлөөт бөхийн төрөл албан ёсоор Дэлхийн нэгдсэн бөхийн холбоо (UWW)-ны 2023 оны олон улсын тэмцээний хуваарьт орлоо.

    Монгол Улсад анх удаагаа болох гэж буй наадамд Зүүн Азийн олимпын хороонд харьяалалтай есөн ҮОХ-ны 1500 гаруй тамирчин өрсөлдөнө. Үүн дээр дагалдан ирэх зочид төлөөлөгч, албаны хүмүүс, хэвлэл мэдээллийнхэн нэмэгдэх юм.

   Уг наадамд 18 хүртэлх насны тамирчид оролцох учир ирэх оноос залуу тамирчдад чиглэсэн тэмцээн уралдаан олныг зохиож, тэндээс баг тамирчдаа сонгон шалгаруулахаар төлөвлөж байгаа билээ.