Монголд анх удаа 600 таэквондочдын  “DARKHAN DEMO -2022” үзүүлэх тоглолт боллоо. Найрамдлын Дархан хотын “Найдвар” клубийн 300 сурагч, тамирчид болон Улаанбаатар хотын  “Арслан”, “Идэр”, “Кёнхи”, “Тайгерс”, “Дайчин стар”, “Золбоо”, “Таеквондо хөгжлийн төв”, “Таеквондо хөгжлийн төв”-ийн БГД, БЗД салбарууд, “Чонос”, “Ялалт”, “Галт дэвжээ”, Налайхын “Соёмбо”, Хөвсгөл аймгийн “Цагаан шонхор”, “Сэлэнгэ аймгийн Зүүнхараа хотын “Хараагийн хөх чоно” клубүүдийн 300 тамирчид хүрэлцэн ирж, нийт 600 таэквондочид нэгдэж, үзүүлбэр хийсэн байна.

   Өдөрлөгийн үеэр таэквондогийн пүмсэ төрлөөр тэмцээн болж аваргуудаа тодруулж, Дархан “Найдвар” клубийн улаан бүстэй 20 тамирчин хар бүсний шалгалтуудаа өгч, олон арга хэмжээ болж өндөрлөлөө. Тус өдөрлөгийн арга хэмжээнд Дархан аймгийн Засаг даргын орлогч Б.Жавхлан, БТС-ын Газрын дарга А.Амараа, Гэр бүл, хүүхэд, залуучуудын хөгжлийн газрын дарга А.Амгалан нар аймаг орон нутгийн төлөөлөл оролцсон аж.

   Мөн Монголын таэквондогийн холбоог үүсгэн байгуулагч, МТХ-ний ёс зүйн зөвлөлийн дарга, таэквондогийн хар бүс тавдугаар дантай, Монгол Улсын гавъяат дасгалжуулагч С.Ган-Эрдэнэ, Дэлхийн таэквондогийн төв захиргаа “КУККИВОН”-ын Монгол дахь төлөөлөгч, Шигшээ багийн дасгалжуулагч, таэквондогийн хар бүс  долдугаар дантай Хо Ин Ёон. Монголын таеквондогийн холбооны шүүгчдийн бүрэлдэхүүний ахлах О. Хос-Эрдэнэ, Монголын таеквондо холбооны тэргүүлэгч Б. Билэгсайхан нар шүүгч, дасгалжуулагчдын хамтаар оролцжээ.

  Энэхүү арга хэмжээг МТХ -ны салбар Дархан “ Найдвар” клубийн багш дасгалжуулагч, таеквондогийн хар бүс дөрөвдүгээр дантай, ОУХМ Ж.Ариунбаяр санаачилж, баг хамт олноороо амжилттай зохион байгуулсан байна.