Сербийн нийслэл Белград хотод чөлөөт бөхийн насанд хүрэгчдийн дэлхийн аварга шалгаруулах тэмцээн ирэх сарын 10-18-нд болно. Дэлхийн аваргад оролцох манай баг тамирчид "Эко" спорт цогцолборт бэлтгэлээ базааж байна. Монголын чөлөөт бөхийн холбооны дэд ерөнхийлөгч П.Гансүх дэлхийн дэвжээнд зодоглох бөхчүүдийнхээ бэлтгэлтэй танилцаж өөрийн хувийн зүгээс мөнгөн урамшуулал олгож, тулгамдаж байгаа асуудлыг ярилцаж санал бодлоо солилцсон байна.