Японы сүмо бөхийн холбооноос ирэх сард эхлэх Аки башёгийн банцүкэг энэ сарын 29-ний өдөр зарлалаа. Банцүкэгийн хамгийн их анхаарал татсан зүйл нь Монголын гурван сүмоч саньякү цолтой барилдах болсон юм.

  Тодруулбал, гурван башёд дараалан комүсүби цолтойгоор качикоши хийсэн Хоошёорюү С.Бямбасүрэн есдүгээр сарын тэмцээнд анх удаа сэкивакэ цолтой барилдахаар болов.

  Өнгөрсөн нагоя башёд 12 даваа, гурван унаатай түрүүлсэн Ичиножёо А.Ичинноров, маэгаширагийн нэгээс 50 хувиа хийсэн Кирибаяма Б.Лхагвасүрэн нар дахин комүсүби цолтой барилдана.

   Түүнчлэн сэкитори болсноос хойш өндөр хүлээлт үүсгээд байсан Миторюү Б.Төрболд 24 тэмцээнд жюүрёод барилдаж удаан дуншсны эцэст анх удаа дээд зиндаанд дэвшив. Аки башё есдүгээр сарын 11-25-нд Токио хотын Кокүгикан ордонд болно.