Болгар Улсын нийслэл Софи хотод болсон чөлөөт бөхийн "U20" ангиллын дэлхийн аварга шалгаруулах тэмцээний эмэгтэйчүүдийн төрөл өндөрлөв.  Япон Улсын баг 10 жингийн наймд нь алтан медаль, үлдсэн хоёр жинд хүрэл медаль хүртэж рекорд тогтоолоо.  Ийнхүү японы охид бүгд медальтай нутаг буцсан нь гайхалтай байлаа.

    Японы охид 17-20 настнууд. Тэдний хамгийн бага нь 17 настай өсвөр насны охин Аяна Моро өөрөөсөө 1-3 насаар эгч охидыг ээлж дараалан ялж хүнд жин 76 кг-д аваргалсан.  Жин тус бүрт медаль хүртсэн охид гэвэл Үми Ито 50 кг-ын жинд, Мое Киока 55 кг-д, Рүка Натами 57 кг, Сакүра Мотоки 59 кг-д, Нонока Озаки 62 кг-д, Мохира Ёшитако 65 кг-д, Ами Иши 68 кг-д, Аяна Моро 76 кг-д алтан медаль хүртжээ. Харин Аиака Күмира 53 кг-ын жинд, Сүмирэ Никүра 72 кг-д хүрэл медаль авсан байна.