“Парис-2024” олимпын эрхийн оноо олгох “Monnis Mongolia International Challenge-2022” бадминтоны тэмцээн Спортын төв ордонд үргэлжилж байна. Эхний өдөр урьдчилсан шатны есөн тоглолт явагдахаас долоо нь монголын тамирчдын тоглолт байв.

     Тэмцээнд оролцохоор гадаадын 14 орны 120 гаруй тамирчин Монгол Улсад хүрэлцэн иржээ. Өмнөд Солонгос Улс  25 тамирчинтай ирсэн нь хамгийн том багт тооцогдож байгаа бол Япон Улсаас 23 тамирчин ирсэн байна. Тэмцээн нийт зургаан өдөр үргэлжилж, өнөөдөр 14.00 цагт шигшээ тоглолт явагдана.