Энэ жилийн улсын баяр наадмын зургаагийн даваанд улсын начин Б.Эрдэнэхүүтэй барилдаж улсын харцага цол хүртсэн Г.Бадрахын шинжилгээний хариунаас допинг илэрсэн болзошгүй талаар мэдээлэл гараад буй юм. Тиймээс энэ талаар улсын харцага Г.Бадрахтай холбогдож тодрууллаа. Тэрбээр “Надад ямар нэг асуудал байхгүй. Би ямар нэгэн эм, тариа огт хэрэглээгүй. Олон сүлжээнд намайг допинг хэрэглэсэн гэдэг мэдээлэл байгаа бол хариултыг нь хэлэхэд тийм зүйл байхгүй. Албан ёсоор МҮБХ-оос допингийн шинжилгээний хариу мэдээлэл өгөөгүй байна. Шинжилгээний хариундаа итгэлтэй, санаа зовохгүй байна” гэлээ.