Монголын хэт холын марафон гүйлтийн холбооны шигшээ багийн тамирчин ОУХМ Ч.Батжаргал хэт холын гүйлтийг орон даяар сурталчлан таниулах зорилгоор Улаанбаатар, Ховд, Үенч сум гэсэн чиглэлээр 1700 км замыг туулан гүйлт хийнэ.

  Хэт холын ультра марафон нь 50 км зайнаас эхэлдэг бөгөөд тамирчдын тэсвэр тэвчээрийг шалгадаг гүйлтийн хамгийн ачаалалтай төрөл юм. Ч.Батжаргал энэхүү олон өдрийн гүйлтээ энэ сарын 15-ны өдрийн 08.00 цагт Сүхбаатарын талбайгаас гараанаас гарч эхлүүлнэ.