Сингапур Улсад энэ сарын 6-ны өдөр "SINGAPORE SHOWDOWN 2022" бодибилдинг фитнессийн олон улсын нээлттэй тэмцээн амжилттай зохион байгуулагдаж өндөрлөжөө.  Тус тэмцээнд 13 орны 300 орчим тамирчин оролцож шилдгүүдээ тодруулсан байна.

Манай улсаас ОУХМ Г.Жамц, Г.Болд-Эрдэнэ, Б.Учрал, Ч.Шинэчимэг нар оролцож дараах амжилтыг үзүүлжээ.  “Повернутрейшн” ХХК-н тамирчин ОУХМ Г.Жамц бодибилдингийн 80 кг-ын жинд хүрэл медаль, “classic A” ангилалд мөнгөн медаль, “Голден Прогресс” ХХК-н тамирчин Г.Болд-Эрдэнэ “Classic novice” ангилалд тавдугаар байрт оржээ.

Харин “New Spinning”  клубийн тамирчин Ч.Шинэчимэг “Wellness” ангилалд хүрэл медаль, “Bikini +165 см” ангилалд дөрөвдүгээр байр, “Bikini +35” ангилалд тавдугаар байр, “Глобал Ворлдвайд, Повернутрейшн” компанийн тамирчин Б.Учрал тэмцээний мэргэжлийн ангилал буюу “Bikini Pro” ангилалд долоодугаар байранд шалгарсан амжилттай оролцсон байна.