Өчигдөр Монголын мэргэн буудагч Отрядын Гүндэгмаа "Бээжин~2008" зуны XXIX олимпын наадмаас буудлагын 25 м-ийн спорт гар бууны төрөлд мөнгөн медаль хүртсэний 14 жилийн ойн баярт өдөр тохиосон билээ.

   Харин өнөөдөр Монгол Улс олимпын аваргатай болсон түүхэн өдөр. 2008 оны наймдугаар сарын 14-нд Булган аймгийн Сайхан сумын харьяат Монгол Улсын хөдөлмөрийн баатар, гавьяат тамирчин Найдангийн Түвшинбаяр Бээжингийн олимпын наадамд жүдо бөхийн -100 кг-ын жинд түрүүлж олимпын аварга болж байлаа. Тэрбээр алтан медалийн төлөө Казахстаны бөх Асхат Житкеевийг ялж Монгол хүн, Монголын баг олимпын алтан медальтай, аваргатай болж байв. Н.Түвшинбаярын гаргасан түүхэн амжилтыг бид мартах учиргүй.

  Түүнчлэн одоогоос 18 жилийн өмнө энэ өдөр, 2004 оны Афины зуны олимпын 60 кг-ын жинд хөдөлмөрийн баатар, гавьяат тамирчин Хашбаатарын Цагаанбаатар хүрэл медалийг энэ өдөр эх орондоо авчирч байжээ. Нэг ёсондоо Монголын жүдочдын түүхэн өдөр өнөөдөр тохиож байна.