Олон улсын олимпын хорооны гишүүн, МҮОХ-ны Ерөнхийлөгч Б.Баттүшиг, АНУ-аас Монгол Улсад суугаа Элчин сайд Майкл Клеческиг хүлээн авч, спортын хөгжлийн талаар найрсаг дотно яриа өрнүүлжээ.

    Уулзалтын хүрээнд МҮОХ-ноос санаачлан “Парис 2024” олимпын наадмын үеэр хэрэгжүүлэх “Монголиан хаус” буюу соёл, спорт, өв уламжлалаа дэлхий дахинд таниулан сурталчлах зорилго бүхий төслийн талаар танилцуулсан байна.

  Мөн “Лос Анжелес 2028” олимпын наадмын өмнө хэрэгжүүлэх  “Олимпик арена” спорт цогцолборын талаар болон “Парис 2024” олимпын наадмын хөтөлбөрт шинээр нэмэгдээд буй брейкинг, скейтбордын төрлийн спортоор хичээллэх хүүхэд залуусын тоог нэмэгдүүлэх зорилгоор, АНУ-ын алдарт тамирчдыг урьж оролцуулсан спортын томоохон арга хэмжээ хамтран зохион байгуулах зэрэг сэдвээр ажил хэрэгч санал солилцжээ.