Орхон аймгийн шигшээ баг, “Хангарьд” клубийн дасгалжуулагч М.Сэргэлэн төрийн дээд  шагнал “Алтан гадас” одон, Дорнод аймгийн шигшээ багийн дасгалжуулагч Л.Наранбаатар МХБХ-ны “Гавьяаны одон”-гоор шагнагдаж, Монголын хөлбөмбөгийн төлөө хүчин зүтгэсэн он жилүүдээ үнэлүүллээ.

    М.Сэргэлэн болон Л.Наранбаатар нар нь Монголын хөлбөмбөгийн төлөө хүчин зүтгэж, тэдний шавь нар Үндэсний шигшээ багийн төлөө тоглон, амжилт гаргахын зэрэгцээ шигшээ багийн 100 дахь гоолыг оруулжээ. Харин тэд МХБХ-нд ажиллаж хөлбөмбөгийн хөгжлийн төлөө ихийг хийж бүтээсэн хөлбөмбөгийн зүтгэлтнүүд юм.

  Тэдний шагналыг Азийн хөлбөмбөгийн холбооны дэд ерөнхийлөгч, МХБХ-ны ерөнхийлөгч А.Ганбаатар, ерөнхий нарийн бичгийн дарга Д.Тэрбаатар болон зөвлөлийн гишүүн С.Жаргалсайхан нар 21 аймгийн тэмцээний шигшээ тоглолтын дараагаар гардуулан өгсөн байна.