Үндэсний спортын VII их наадам өчигдөр Хүй долоо худагт эхэлсэн. Баяр наадмын нээлтийн ёслолд Биеийн тамир, спортын улсын хорооны дарга Д.Жаргалсайхан, Бодлого төлөвлөлтийн газрын дарга О.Гэрэл, Ерөнхий сайдын зөвлөх Я.Төмөрбаатар, ЗГХЭГ-ын референт Г.Оюунтунгалаг, Монголын үндэсний спортын хорооны ерөнхийлөгч Ц.Магалжав, тод манлай уяач Дуламсүрэн нарын хүндтэй эрхмүүд хүрэлцэн оролцсон байна. Наадмын нээлтийн бамбарыг улсын аварга О.Хангай, улсын мэргэн Ц.Дуламсүрэн нар бадраажээ.