Үндэсний спортын VII наадам Хүй долоо худагт эхэлж, сурын харвааны хоёр төрөлд өрсөлдөөн өрнөж байна. Үндэсний сурын харвааны төрөлд 25 багийн 278 тамирчин цэц сорьсноос “А” хэсгээс Орхон аймаг, Хан-Уул дүүрэг, “В” хэсгээс Завхан аймаг, “С” хэсгээс Дорноговь аймаг, Хэнтий, “D” хэсгээс Сэлэнгэ аймаг, Багахангай дүүргийн баг шалгарч, шигшээ тэмцээнд цэц мэргэнээ сорин өрсөлдөх юм. Тус наадамд спортын 13 төрөлд 21 аймаг, есөн дүүргийн нийт 1700 тамирчин өрсөлдөж байна.