“Монголын авто форум” ТББ нь энэ жилээс эхлэн Монголын машин мотоциклын спортын холбоотой хамтын ажиллагааны гэрээнд гарын үсэг зурсан байна. 2022 оны календарт багтсан “MAF Drag Times” шулуун замын автомашины уралдаан нь албан ёсоор "Монгол Улсын аврга шалгаруулах" тэмцээн болжээ.

  Монголын хамгийн хурдан автомашин шалгаруулах “MAF Drag Times Vol-11” дэх удаагаа зохион байгуулагдах гэж байгаа аж. Энэхүү арга хэмжээний цаг хэмжилт нь хаалттай хүрээнд, үр дүнг нууцлан, мэргэжлийн зөвлөх инженерүүдийн хүрээнд зохион байгуулагдах гэнэ.

  Уралдааны дүнг  энэ сарын 20-нд “Highland Park”-т болох “After Party”-д танилцуулан, алдаршуулж, цом өргөмжлөл, шагналыг гардуулах юм байна. Тус тэмцээний онцлог нь  “SUV”  шинэ ангилал, Монгол Улсад анх удаагаа орж ирэх спорт автомашины танилцуулга. Шинэ хэв шинжийн  автомашины дэлгэрэнгүй мэдээлэл зэрэг онцгой хөтөлбөр бүхий гайхалтай хөтөлбөрүүдийг дэлгэх гэнэ.

  Арга хэмжээний шагнал гардуулах ёслолын дараа үндсэн тамирчид болон оролцогч, сонирхогчдын хаалтын шоу үзүүлбэр “After Party” арга хэмжээнд Монголын болон олон улсын уран бүтээлчид, олны танил эрхмүүд, зөвхөн урилгатай зочид, авто машин сонирхогчдын хамт оролцох юм байна.