Улаанбаатар хот дахь дэлхийн стандартын мөсөн гулгуурын “Степпа арена”-гийн талбайд уран гулгалтын 14 хоногийн сургалт амжилттай явагдаж өндөрлөсөн билээ. Тус сургалтыг зохион явуулсан Япон Улсад сурч, амьдарч байгаа Монгол Улсын иргэн Г.Марал-Эрдэнийн ээж А.Шинэсаранг БТСУХ-ын дарга Д.Жаргалсайхан хүлээн авч уулзлаа.

  Уулзалтаар уран гулгалтын хөгжлийн асуудлаар ярилцсан байна. Г.Марал-Эрдэнийн удирдан явуулсан  сургалтад 4-35 насны 50 орчим тамирчин хамрагдсан гэдгийг А.Шинэсаран онцлон дурдав. “Степпа арена” ХХК  энэхүү сургалтыг санаачлан явуулжээ.  

  Харин БТСУХ-ны  зүгээс уран гулгалтын спортыг энэ оноос эхлэн хөгжүүлэхэд анхааран ажиллаж, дэмжихээ илэрхийллээ. Энэ хүрээнд ОХУ-ын Спортын яам, Оросын уран гулгалтын холбоотой хамтран ажиллах юм байна.