Б.Мөнх-Оргил гурав дахь дифлимпоос медаль хүртсэн ч паралимпын тамирчдын амжилтаас ялгавартай хандаж байгаа. Сонсголын бэрхшээлтэй иргэдийн “Чимээгүй олимп” буюу дифлимп дөрвөн жилд нэг удаа болдог. Жүдо бөхийн тамирчин Б.Мөнх-Оргил дифлимпын гурван олимп дараалан медаль хүртжээ.

Олимпын наадамд явах болгондоо л машинаа ломбарданд тавьдаг гэнэ. Өр зээлээр тэмцээний зардлаа хийдэг аж. Багштайгаа явах зардалгүй болохоор ганцаараа явдаг юм байна. Тэмцээний үеэр зарлаад байхад нь сонсохгүй суусаар хасагдаж байсан тохиолдол ч түүнд бий аж.

Олимпын наадам, дэлхийн аваргад өндөр амжилт үзүүлээд ирэх үед нь улсаас эхний жил нь 10 сая, дараа нь  таван сая, хамгийн сүүлд хоёр сая төгрөгөөр шагнажээ. Тэрбээо 12 жилийн хугацаанд гурван олимпоос медаль хүртэж эх орныхоо нэрийг өндөрт өргөхөд улс ердөө 17 сая төгрөгөөр л урамшуулжээ. Биеийн тамир спортын улсын хороо дифлимп нь ОУОХ-ны зохион байгуулан явуулдаг наадам биш хэмээн үздэг байна.