“Азийн хүүхдүүд-2022” олон улсын спортын VII наадам ОХУ-ын Владивосток хотод долоодугаар сарын 28-наас наймдугаар сарын 8-ны өдрүүдэд явагдаж өндөрлөв. Энэ удаагийн наадамд Ази тивийн 12 орон, ОХУ-ын найм, нийт 21 багийн 1355 тамирчин спортын 19 төрөлд 273 багц медалийн төлөө өрсөлджээ.

   Биеийн тамир, спортын улсын хорооны удирдлага, зохион байгуулалтайгаар спортын таван төрөлд 48 хүний бүрэлдэхүүнтэй төлөөлөгчдийг амжилттай бэлтгэн оролцуулж, тэмцээнийг өндөрлүүлсэн байна. Тус наадамд Биеийн тамир, спортын улсын хорооны дарга Д.Жаргалсайхан хүндэт зочиноор оролцож, Гадаад харилцаа, мэдээлэл технологийн хэлтсийн дарга Н.Оюунбат, мэргэжилтэн Ж.Баасансүрэн, их эмч Э.Жамбалнямбуу нар ажиллажээ.

   Манай тамирчид жүдо бөхийн төрөлд нэг мөнгө, хоёр хүрэл, самбо  бөхөөр хоёр хүрэл, кураш бөхийн төрөлд нэг алт, нэг мөнгө, нэг хүрэл, масрестлингаар гурван хүрэл медаль хүртсэн байна. Монголын баг нэг алт, хоёр мөнгө, найман хүрэл медаль, нийт 11 медаль хүртэн наадмын нэгдсэн дүнгээр 12 байр эзэллээ. Дараагийн наадам 2024 онд ОХУ-ын Якутын Саха хотод болно.