Монгол Улсад өвлийн спортын төрөл хөгжөөд 60 жил болсны дараа анх удаа дэлхийн стандартад нийцсэн “Steppe arena” мөсөн ордонтой болсон билээ. Шинээр байгуулагдсан “Steppe arena” мөсөн ордны талбайд уран гулгалтын богино хугацааны сургалтыг амжилттай зохион байгуулж өндөрлөв. Тус сургалтыг Япон Улсаас урилгаар ирсэн Г.Марал-Эрдэнэ багш түүний ээж А.Шинэсаран, туслах багш О.Мишээл нар хамтран зохион байгуулан явуулжээ.

    Энэ удаагийн сургалт 14 хоногт зургаан удаагийн оролттойгоор хичээллэсэн байна. Сургалтыг удирдан явуулсан багш нар цаашид уран гулгалтын спортод монгол тамирчид амжилт гаргах боломж, чадвар, авьяас байгааг онцоллоо. Тэд 4-35 насны 50 орчим тамирчдын ур чадварыг дээшлүүлжээ.