Хэнтий аймгийн уугуул,Үндэсний шигшээ баг, "Кайсса" клубийн тамирчин олон улсын мастер Төрмөнхийн Мөнхзул эмэгтэй их мастер цолны гурав дахь нормоо дэлхийн шатрын 44 дүгээр олимпиадад биелүүлсэнээр их мастер цолны болзол хангалаа. Т.Мөнхзулыг багаас нь шатрын спорт руу хөтлөн оруулж өдийг хүртэл дасгалжуулагчаар нь ажиллаж байгаа хүн бол түүний аав Дэлхийн шатрын холбооны дасгалжуулагч Д.Төрмөнх юм.

     Т.Мөнхзул 2019 онд Ази тивийн аварга шалгаруулах тэмцээнээс үнэ цэнтэй хүрэл медалийг эх орондоо авчирч байлаа. Энэхүү амжилт нь одоогийн байдлаар Монголын шатрын түүхэн дэхь цорын ганц тивийн чанартай медаль юм. Т.Мөнхзул 20 насандаа их мастер цолтоны эгнээнд шилжсэн Монголын шатрын долоо дахь эмэгтэй их мастер цолтон болж байна.