Монгол Улсын Ерөнхийлөгчийн ивээл дор зохион байгуулагдсан хөл бөмбөгийн холбооны 21 аймгийн аварга шалгаруулах тэмцээний аваргын төлөөх тоглолтод Увс, Дархан-Уул аймгийн баг тамирчид ширүүн өрсөлдөж 2:1-ийн харьцаагаар "Дархан" баг ялалт байгуулжээ. Ийнхүү тэд алтан медаль, цомын эзэд боллоо. Тус тэмцээний шилдэг хаалгачаар Э.Пүрэврагчаа, шилдэг хамгаалагчаар Н.Ганболд нар шалгарсан байна. Улмаар 21 аймгийн аваргаар тодорсон Дархан-Уул аймгийн баг “Үндэсний Цом”-ын төлөө Улаанбаатар хотын аварга Сонгинохайрхан дүүргийн багтай тоглож ялалт байгуулснаар “Супер цом”-ын эзэд болж амжилтаа бататгалаа.