Жүдо бөхийн Ази тивийн аварга шалгаруулах тэмцээний багийн барилдаан өнөөдөр болно. Казахстан Улсын нийслэл Нур-Султанд болж буй тэмцээний хувийн барилдаанд манай бөхчүүд хоёр алт, таван хүрэл медаль хүртсэн амжилт үзүүлээд байна.

         Эрэгтэйчүүдийн 66 кг-ын жинд ОУХМ Ё.Басхүү алт, эмэгтэйчүүдийн 63 кг-д ОУХМ Б.Ганхайч алт, 48 кг-д ОУХМ Г.Наранцэцэг, 52 кг-д ОУХМ Б.Хорлоодой, 70 кг-д Ц.Энхчимэг, 90 кг-д  Г.Алтанбагана, -100 кг-ын жинд Б.Гончигсүрэн нар хүрэл медаль хүртэж багийн дүнгээр хоёрдугаар байрт шалгарсан амжилт үзүүлээд байгаа юм.

       Азийн аваргын сүүлийн өдөр багийн барилдаанд манай баг сугалаагаар “С” хэсэгт Хятадын багтай таарчээ. Хэрэв Хятадын багийг хожиж чадвал, “D” хэсгийн Узбекистан, Тайванийн хожсон багтай таарна. Тэмцээний “А”, хэсэг Япон, Казахстан, “В” хэсэгт Өмнөд Солонгос, Энэтхэгийн багууд хоорондоо өрсөлдөнө.