Биеийн тамир спортын улсын хорооноос зохион байгуулж байгаа Монголын үндэсний спортын VII наадам Хүй долоон худагт эхлэхэд тав хоног үлдлээ. Үндэсний спортын наадам энэ сарын 10-ны лхагва гарагт урианхай сур, үндэсний сурын багийн харваагаар эхэлнэ.

           Харин 11-ний пүрэв гарагт  үндэсний сурын багийн харваа, буриад сурын цуваа харваа, урианхай сурын харваа, шагайн харвааны хэсгийн тоглолт, ширээний шагайн харвааны багийн тэмцээн, үндэсний бөхийн нэгдүгээр тойргийн барилдаан, уламжлалт сурын цуваа харваа, наадмын нээлтийн ажиллагаа, жороо морины уралдаан, морьт харвааны тэмцээнээр үргэлжилнэ. Тус үндэсний наадам 13-ны өдөр өндөрлөх юм.