Жүдо бөхийн Ази тивийн аварга шалгаруулах тэмцээн өнөөдөр Какахстан Улсын нийслэл Нурсултан хотод эхэллээ. Эрэгтэйчүүдийн  66 кг жинд барилдсан дэлхийн аваргын хүрэл медальт, ОУХМ Ё.Басхүү алтан медалийн төлөө барилдахаар шалгарлаа. Энэ жинд барилдсан ОУХМ Б.Эрхэмбаяр, 60 кг-ын жингийн Э.Ариунболд, Э.Сумъяабазар нар, эмэгтэйчүүдийн 48 кг-ын жинд Г.Наранцэцэг, 52 кг-д Б.Хорлоодой, 57 кг-д М.Ичинхорлоо нар хүрэл медалийн төлөө шигшээ барилдаанд өнөө орой 19.00 цагт барилдана.