• Өнөөдөр 2026-06-28

Жүдо бөхийн Азийн аваргын сугалаа гарлаа

2022-08-03,   579

 

       Жүдо бөхийн Ази тивийн аварга шалгаруулах тэмцээний сугалаа гарлаа. Эрэгтэйчүүдийн 60 кг-ын жинд 17 жүдоч барилдана. Э.Ариунболд “В”- хэсэгт нэгдүгээр тойрогт гоц мөргөн ялж, хоёрдугаар тойрогт Энэтхэгийн Али Мошин Гулавтай барилдана. Түүнийг ялах юм бол гуравдугаар тойрогт олимп, дэлхийн аваргын хүрэл медальт Өмнөд Солонгосын алдарт бөх Ким Вон Жинтэй таарна. Энэ жингийн “D”-хэсгийн нэгдүгээр тойрогт Э.Сумъяабазар гоц мөргөн ялж, хоёрдугаар тойрогт Хонконг, Кувейт Улсын бөхчүүдийн ялсантай барилдана.

            66 кг-ын жинд 15 жүдоч барилдах юм. Энэ жингийн бөхчүүдийг Ё.Басхүү толгойлон “А” хэсгийн нэгдүгээр тойрогт гоц мөргөн ялж, хоёрдугаар тойрогт Тайвани, Саудын Арабын жүдочдын ялсантай барилдана. Харин Б.Эрхэмбаяр “D” хэсгийн нэгдүгээр тойрогт хятадын бөхтэй таарчээ. Хэрэв түүнийг ялах юм бол хоёрдугаар тойрогт Киргиз, Хонконгийн бөхчүүдийн ялсантай барилдах юм.
       
                  73 кг-ын жинд 16 жүдоч барилдана. Энэ жинг Ц.Цогтбаатар толгойлон “А” хэсгийн нэгдүгээр тойрогт Киргизийн бөхтэй таарлаа. Түүнийг ялах юм бол хоёрдугаар тойрогт Филиппин, Кувейтын жүдочдын ялсантай барилдах боломжтой.
              81 кг-ын жинд13 жүдоч барилдах юм. Б.Эрдэнэбаяр “В” хэсгийн нэгдүгээр тойрогт Энэтхэгийн бөхтэй таарсан. Түүнийг ялах юм бол хоёрдугаар тойрогт Саудын Арабын Нугзар Таталашвили, Хятадын Өвөр Монголын Баяндэлхий нарын ялсантай барилдана.
            90 кг-ын жинд 13 жүдоч барилдана. Г.Алтанбагана “В” хэсгийн нэгдүгээр тойрогт Тайванийн бөхтэй таарсан. Түүнийг ялах юм бол хоёрдугаар тойрогт  Тажик, Ливан Улсын бөхчүүдийн ялсантай барилдана.
                 -100 кг-ын жинд 11 жүдоч барилдах юм.  Б.Гончигсүрэн нэгдүгээр тойрогт гоц мөргөн ялсан. Хоёрдугаар тойрогт  Хятад, Саудын Арабын бөхчүүдийн ялсантай таарна.
     
+100 кг-ын жинд 12 жүдоч барилдана. О.Цэцэнцэнгэл нэгдүгээр тойрогт гоц мөргөн ялсан. Хоёрдугаар тойрогт Казах, Хятадын бөхчүүдийн ялсантай таарна. Хэрэв түүнийг ялах юм бол хагас шигшээ барилдаанд Япон, Өмнөд Солонгосын бөхчүүдийн ялсантай таарах магадлал өндөртэй байна.
       
Эмэгтэйчүүдийн 48 кг-ын жинд 12 жүдоч барилдана. Г.Наранцэцэг жингийнхээ  бөхчүүдийг толгойлон “А” хэсгийн нэгдгээр тойрогт гоц мөргөн ялсан. Хоёрдугаар тойрогт Хятадын Лиу Тин, Өмнөд Солонгосын Жи Ох Ёон нарын ялсантай таарна. 
     52 кг-ын жинд 11 жүдоч барилдана. Б.Хорлоодой “С” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Казахын Гулхар Ирмаганбетова, Хонконгийн Цуи Шук Ки нарын ялсантай барилдах юм.
   
     57 кг-ын жинд 11 жүдоч барилдах юм. М.Ичинхорлоо “D” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Узбек, Хонконгийн бөхчүүдийн ялсантай таарна. Харин Л.Энхрийлэн “С” хэсгийн нэгдүгээр тойрогт гоц мөргөн ялах сугалаа татсан байна. Тэрбээр хоёрдугаар тойрогт Хятадын Цай Куи, Энэтхэгийн Сучика Тарияал нарын ялсантай барилдана. Түүнийг ялах юм бол гуравдугаар тойрогт М.Ичинхорлоотой таарах магадлалтай.
        63 кг-ын жинд 10 жүдоч барилдана. Б.Ганхайч “С” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Энэтхэг, Ливаны бөхчүүдийн ялсантай барилдах юм.
      70 кг-ын жинд 11 жүдоч барилдана. Ц.Энхчимэг “D” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Тайвани, Филиппиний бөхчүүдийн ялсантай таарна.
     
     -78 кг-ын жинд найман жүдоч барилдана. Б.Эрдэнэт-Од “В” хэсгийн нэгдүгээр тойрогт Тайванийн Жи Лиу Ли Линтэй таарсан. Түүнийг ялах юм бол хоёрдугаар тойрогт Японы Мами Умеки, Энэтхэгийн Малвам Индубала Деви нарын ялсантай барилдана.
     +78 кг-ын жинд есөн жүдоч барилдана. А.Адъяасүрэн “С” хэсгийн нэгдүгээр тойрогт гоц мөргөн ялах сугалаа татсан. Хоёрдугаар тойрогт Өмнөд Солонгосын Пак Саел Буёолтой барилдана.

Жүдо бөхийн Азийн аваргын сугалаа гарлаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.