Увс аймгийн аялал жуулчлалын томоохон бүс Хяргас нуур орчмын хог хаягдлыг багасгах, байгаль орчныг хамгаалах үүднээс Монгол Улсын Аварга С.Мөнхбат Хяргас нуурын Байгалийн цогцолбор газрын Хар тэрмэс хэсэгт Япон Улсын технологиор бүтээгдсэн хог шатаах эко зуухыг хүлээлгэн өгчээ.

      Тодруулбал, өчигдөр буюу долдугаар сарын 23-ны өдөр өөрийн биеэр энэхүү зуухыг хүлээлгэн өгсөн байна. Тэрбээр хоёр жилийн өмнө цар тахалтай тэмцэж буй Монгол Улсын Засгийн газарт 20 сая төгрөгийн хандивыг өгч байсан юм.